Wij Hac Dyrcs zoen ende Godert Jans zoen, scepene in den Ameyden, orconden dat Dyrc Wanboot ene Lysabet syn wyf laveden ghesamender hant Nellen van den Vene van pachte der brwcweer hoers lants also alset is gheleghen op ten Exstervelt tusschen den steghen aan Lare Ghyseberts van Loen aen die een zide, welc lant voerscreven sy hebben ghehuert teghen der voerscreven Nellen tot acht jaer ierst comende, ingaende op Sinte Peters dach ierst comende in die leynten, tsjaers voer vier ende twyntich pont, dien helft op Sinte Mertijns dach in den wijnter ende d’ander helft op Sinte Peters dach in die leynten jaerlix te betalen of paymente alse recht is. Bezeghelt met onsen zeghelle. Ghegheven op Sunte Remigii avont in ’t jaer ons Heren 1300 seven ende ’t seventich.