Verpachtinge der excijsen
Opten Xe octobris anno XV^C LV ende sullen ingaan sdaechs post Victoris den XIe octobris
Idem die scholt mitte borgemeesteren ende ghemenen raedt willen verpachten der stadt excijsen in menieren naebescreven. Inden eersten sullen dieghene die de excijsen copen gode borgen stellen daer die borgemeesteren mede te vreden zijn, alle quats tempers te betalen souden enige indracht daer inne te soecken off op geven teppers te wijsen off aen geven onraet. Mer als die cijsmeesters off hoire borge die stadt op hoeren terminen vernuecht ende betaelt hebben, soe sal die raedt gemeenlick daer toe gehouden wesen aen hoer vuytreyckinge te helpen daer sij aen ten afteren zij nae older gewoonte. Voert sullen die cijsmeesteren nymant gheen betalinge doen off voor nymant gheen betalinge inhouden buten consent vanden borgemeesteren ofte sal die stadt gheen betalinge wesen, hyer sal men borgen voor setten te betalen op terminen als voorscreven bij reale executie ende die borgemeesters mogen die borgen soe wel als die copers elcx een voor all thoren hoere executuren.
Ende van die herberch voor die poort opt veer die excijs daer van holt die stadt aen hoer embecroent vande cijsmeesters
Item de byer excijsen sullen tgerecht horen wijn betalen sonder aff slacht drie hoechtijden te weten Martini, Kersmis ende Paesschen