Dit is aldus t’Utrecht gepubliceert
Anno 1580 den 18e junij ter stadt clocke verkundicht
Alsoe om merckelicke redenen bij ordonnantie vanden Staten slants van Utrecht d’excercitie vanden Roemsche religie met den aencleven vandijn bij provisie gesurcheert ende gesuspendeert is binnen dese stadt ende vrijheijt vandijen ende dat nijet jegenstaende desen enighe personen hem dagelicx ver vorderen bij den anderen te vergaderen ende aldaer die selve Roemsche religie met den aencleven vandijen t’exerceeren daer doer geschapen soude zijn enighe quade inconvenienten te commen daer inne dient voersien ende voorcomen te sijn, soe ist dat mijn heeren de stadhouder, schout, burgemeesteren ende schepenen deser stadt duer overcomen des raets well ernstelick verbieden ende interdiceeren bij deesen eenen ijegelick vanden ghenen die men noempt priesters ofte geoorde personen die selve Roemsche religie met den aencleven vandijen binnen dese stadt ende stadt vrijheijt t’exerceeren directelick of indirectelicken opt verbueren van hoer beneficium of officium indien zij enich hebben ende anderen die sulcx nijet en hebben van thien carolus gulden ende arbitrale correctie t’appliceeren ’t een derdendeell tot behouff vanden aenbrenger, ’t ander derdendeell tot behouff vanden officier die d’ececutie doen
