In manieren ende conditien nabeschreven heeft tgerecht voor heur ende heuren nacomelingen vercoft Cornelis Cornelisz Ringel alias Cleijn het gemeentgen gelegen tusschen mr. Rutger de Bruijns bongert genaempt Heijmersteijn Achterberch dair noortwaert, oostwaert die wall vanden gemaelen inde Grebbe met die Clinckweteringe suijtweert Jan van Tuijll Willemsz ende westweert die gemeen heeren wech naestgelegen sijn ende dat voorden somme van tsestich gulden tot veertich groten Vlaams ‘t stuck te betalen aen ses termijnen ofte ses jaeren elcke jaer thien gulden wair van ’t ijerste jaer verschijnen sall Petri ad cathedram drije ende tachtentich toecomende ende soo voorts alle jair Petri tot thien gulden ter volle betaelinge vanden voorschreven tsestich gulden te aenvaerden Petri toecomende ende dat met alsulcke conditien om aldaer te laeten leggen alsulcken wech als bijden gecommitteerdens vanden gerechte van Rhenen hem affgemeten sal worden ende bij gebreecke van betaelinge van elcke termijn noch tvoorschreven gerecht het selve gemeentgen altijt vrij ende vranck weder aentasten ende gebruijcken sonder te restitueren die betalinge alsdan dair opgedaen hijer onder verbindende den voorschreven Cornelisz voor hem ende sijnen erffven sijn persoen ende goederen onder tverbant van tgerecht van Rhienen ende allen anderen. Des toirconde bij die vanden gerechte doen onderteijckenen deur heuren secretaris. Actum den 24^en junij 1581 tot mr. Jacobsz tot Eck.