die pachter vanden ellen excijs zal vijff cannen wijns betaelen aen handen der stadt camelaer ende zall dzelve gebruijcken zulcx den magistraet hem ordonneren zall.
Item die den excijs vanden brandewijn ende Rijnssche wijnedick pacht zall tgerecht den wijn betaelen kermis ijerstcomende sonder affslach als voiren.

Item soe wie den bier excijs pacht zall terstont betaelen zeven gulden, den wijn excijs vier gulden, den ellen excijs twee gulden, den brandewijn excijs eenen gulden sonder te corten alsvoiren.

Item noch zall den pachter vanden bier excijs terstondt voer treckgelt betaelen twee gulden, de pachter vanden wijnexcijs dartich stuvers, die pachter van den ellen excijs twintich stuvers ende die pachter vanden brandewijn ende Rijnssche wijnedicks excijs thien stuvers sonder eenige affslach alsvoiren ofte bij gebreecke van betaelinge zoe zalmen die pachters ende haeren borgen goederen met een sonnendaechs gebodt doen vijlen omme daer nae met gereet gelt te vercopen volgende ordonnantie daerop die copers, pachters ende borgen hem terstont laeten condemneren.

Item off dvoorschreven excijsen niet genoech gelden en moechten ofte datter eenich misverstandt viell int mijnen als datter twee ofte drie