Ende tot elken tyden als sy scouwen waerden enych dyck dye nyet volmacht en waer daer en soude dye dyckgreyf mytten heemraderen nyet over ryden eer hee volmaecht waer. Ende daer moegen sy al soe voel arbeyders insetten als sy wyllen ende hen [....]t dat het lants oerlin[1] is. Ende die cost sal gelden die gheyn die [...]yck is alsoe veer als syn goet trecht beide van arbeit ende des dyckgreefs ende den heemraderen cost die sy doen al soe lange als sy daer op liggen ende sonder dyntaele ende nyet meer ende moegen see verteren dan hoer daegelixschen cost dat is den dyckgreef XII pennyngen groet ende elken heemraderen sess pennyngen groet des dages ende en hadde de gene dye den dyck waren soe vele goets nyet soe sollen die heemraderen op haeren eedt proven wt wat lant ghecomen is daer den dyck op leyt ende die gene des die eygen doem vanden lande die sel daer off valdoen ende al voert van landen tot landen ter tyt toe datden dyckgreef ende den heem raderen voldaen is ende al sonder dincktael. Voert weert saeke dat een wael braeke in yemants dyck dien geloeft waer vanden heem raderen daer sonde dyc dyckgreef ende die heemraderen mitten gemeenen lande op varen sonder merren ende den dyck op maeken ten vallen dyck op des ghemeens lants cost ende leveren dander ghenen die hie tho voeren was. Waert oeck saeke dat een dyck soet van storm off ersenck offvonch brake mit ongeval daer onse heem raders docht dattet lant mede gevreset vaer daer souden die dyckgreef mitten heemraderen sonder mirren op vaeren ende den dyck op maeken ten vallen dyck op des gemeenen lants cost ende alle sonder dinctale. Voert waert saeke onse heem raderen dacht bij haeren eede dat enych oplage te doen waer bynnen deser 


[1] Lezing van dit woord is onduidelijk. Er staat oerli met een afkortingsstreepje op de i.

schouuen dye oplage soude dat gemeen lant doen dyken ten vallen dyke ende dan leveren den genen die anderen dyck te voerren houde. Ende van desen dagen voert soe wat lant dat nw dyck hout dat salmen nyet vry moegen coepen ten sel beslet blyven mytten dyck diet nu heft. Ende alsoe groet alse onse dyckgreef ende heemraderen desen voerschreven dyck van aerden scouuen sullen nw sint Mertens mysse inden weynter naesrtcomende al soe groet sal hy altoes blyven sonder myrren meer altoes meerren by onsen heem raderen voerscreven. Voert soe waer die dyckgreef mitten heem radeeren op yemants